آزربایجانیم

سئویرم یوردومون باهارین یازین
گؤلونده نازلانان اؤردهیین قازین
عاشیغین الینده صدفلی سازین
ای عاشیق گل اوخو؛اوره ییم جانیم
سئویرم من سنی آزربایجانیم
***
داغلارین دؤشونده قاسناسان سولار
سوزولر گولاب تک چوخورا دولار
گوللشر گوموش تک بیر آینا اولار
ای روحوم روانیم گؤزل جئیرانیم
سئویملی وطنیم؛ آزربایجانیم
***
چن-دومان ائیله ییپ باشیزدا مکان
گئجه نین اولدوزون آیینی توتان
توفانلار وئرنمز سیزلره تیکان
ای منیم داغلاریم؛ ویقاریم ؛ جانیم
گؤزللر گؤزلی آزربایجانیم
***
گوموشدن ساچ هورر اوجا داغلارین
یام یاشیل دون گئییر گوللو باغلارین
آل-الوان اوفوقلو آخشام چاغلارین
ای گؤزل وطنیم؛گؤزل ترلانیم
گؤزللیک مسکنی آزربایجانیم
***
واله ام بو جسور قهرمان ائله
عاشیغام بو شیرین بال کیمی دیله
دوشمنی یاندیرار دؤنده رر کوله
ای آنا دیارین ؛ عشقیم ایمانیم
اولوبسان ویقاریم آزربایجانیم

AzerbaijanAzerbaijanAzerbaijanAzerbaijan

نوشته شده در تاریخ پنجشنبه 24 دی 1388    | توسط: ائلمان ارسوی    |    | نظرات()