شهریار

 

حیدربابا ،‌ سنون اوزون آغ اولسون !      heydər baba sənün üzün ağ olsun     
دؤرت بیر یانون بولاغ اولسون باغ اولسون !  dört bir yanın bulağ olsun  bağ olsun

بیزدن سورا سنون باشون ساغ اولسون !   bizdən sora sənün başın sağ olsun
دونیا قضو- قدر ، اؤلوم - ایتیمدى   dünya qəzoğədər ölüm itimdi
دونیا بویى اوغولسوزدى ، یئتیمدى   
dünya boyi oğulsuzdi yetimdi

 

.......

حیدربابا ، دونیا یالان دونیادى   heydəarbaba dünya  yalan dünyadi
سلیماننان ، نوحدان قالان دونیادى  süleymanan nuhdan qalan dünyadi
اوغول دوغان ، درده سالان دونیادى  oğul doğan dərdə salan dünyadi
هر کیمسَیه هر نه وئریب ، آلیبدى  hər kimsəyə hər nə verib alıbdi
افلاطوننان بیر قورى آد قالیبدى 
aflatunan bir quri ad qalıbdi


 

حیدربابا ، یار و یولداش دؤندولر  heydərbaba yar o yoldaş döndülər
بیر-بیر منى چؤلده قویوب ، چؤندولر  bir bir məni çöldə goyub çöndülər
چشمه لریم ، چیراخلاریم ، سؤندولر  çeşmələrim çiraxlarım söndülər
یامان یئرده گؤن دؤندى ، آخشام اولدى  yaman yerdə gün döndi axşam oldi
دونیا منه خرابه شام اولدى  
dünya mənə xərabeye şam oldi

 

.........

حیدربابا ، قارلى داغلار آشاندا  heydərbaba qarlı dağlar aşanda
گئجه کروان یولون آزیب ، چاشاندا  gecə kərvan yolun azıb çaşanda
من هارداسام ، تهراندا یا کاشاندا  mən hardasam tehranda ya kaşanda
اوزاقلاردان گؤزوم سئچر اونلارى  uzaqlardan gözüm seçər onları
خیال گلیب ، آشیب ، گئچر اونلارى 
xiyal gəlib aşıb geçər onları

 

..........

حیدربابا گؤیلر بوتون دوماندى  heydərbaba göylər bütün dumandi
گونلریمیز بیر- بیریندن یاماندى  günlərimiz bir birindən yamandi
بیر- بیروزدن آیریلمایون ، آماندى  bir birüzdən ayrılmayın amandi
یاخشیلیغى الیمیزدن آلیبلار  yaxşilıği əlimizdən alıblar
یاخشى بیزى یامان گونه سالیبلار 
yaxşi bizi yaman günə salıblar

 

.........

حیدربابا ، غیرت قانون قاینارکن  heydərbaba ğeyrət qanın qaynarkən
قره قوشلار سنن قوپوپ ، قالخارکن  qərə quşlar sənən qopub qalxarkən
او سیلدیریم داشلارینان اوینارکن  o sıldırım daşlarınan oynarkən
قوزان ، منیم همتیمى اوردا گؤر  qozan mənim himmətimi orda gör
اوردان اَییل ، قامتیمى داردا گؤر 
ordan ayıl qamətimi darda gör

 

.........

حیدربابا ، سنون گؤیلون شاد اولسون   heydərbaba sənün göylün şad olsun
دونیا وارکن ، آغزون دولى داد اولسون  dünya varkən ağzın doli dad olsun
سنن گئچن تانیش اولسون ، یاد اولسون  sənən geçən tanış olsun yad olsun
دینه منیم شاعر اوغلوم شهریار  deynə mənim şaiir oğlum şəhriyar
بیر عمر دور غم اوستونه غم قالار
 bir ömrüdür ğəm üstünə  ğəm qalar


نوشته شده در تاریخ جمعه 15 آبان 1388    | توسط: ائلمان ارسوی    |    | نظرات()