بیرینجی اولدوم

«من قوجا،یول اوزون،ماشین یورقون» بو تومجنی بیر ماشینین آرخا ش‍وشه سیندن اوخویوب ایداره یه ساری یئنه یولا دوشدوم.تلسدیگیمه گؤره قورشاق یولدان(كمربندی) گئتمك زورونلوغوندایدیم.15 دقیقه وقت قالیری.

گونشین شاواقی تزه-تزه شهره چیرپینیردی و یولدا خلوتیدی.یولون آلت كئچیدیندن(زیر گذر) كئچدیم. كئچیدین او باشینا یئتیشنده ایكی-اوچ دانا تووآلان(سرعت گیر) یان-یانا دوزولموشدور.چوخ گؤزل ایكیسیندنده گؤیه آتیلدیم.هله بونودا دئییم كی هئچ تابلودا بونلارین بوردا گؤوردیكلرینه گؤره یوخویدور.

یازیق بیزیم شهره گلن غریبه قوناقلار!بیر آز اؤزومو تقصیرلی بیلیب دئدیم آخی قورشاق یولدادا 80 گئدرلر! و تووومو بیر آزدا آزالتدیم.جادد نیده سوچسوز(گوناهسیز)بیلدیم.جادده ایشیق گؤرمك اوچون گونشین گلمسینی گؤزلوردو.آخی بلدیه قویان چیراقلار یوخلامیشدیلار!

 سی دی ده ماهسون قیرمیزی گول،اینسان حاقلاری ماهنیسینی اوخویوردو ،منده یولا باخا باخا گئدیردیم.

...وای یئنه  بیر آیری خبرسیز تووآلان،تورموزو توتدوم...نه فایدا یئنه گؤزلجه سینه گؤیه آتیلدیم-باغیشلایین گؤیه آتدیلار-.یازیق ایگزوز ازیلدی و ماشینیندا قولونجلاری سیندی!

من بیلمیرم!آتدیم باشینا تووآلان قویارلار اودا بؤیوك یوللاردا یادا قورشاق یولدا!!!مثلن بو یولو سئچدیم ایداره یه تئز یئتیشیم.البتته شهر ایچینینده ائله بیر تعریفی یوخدور،آز قالیر هر ائو،دوكان،شیركت،مدرسه،خسته ائوی و...اؤز قاپیسینین اؤنونه بیر توو آلان قویسون.یئنه چوخ شوكور بو قونودا دونیادا بیرینجی سؤزو بیزیم اؤلكه دانیشیر!

بعضی یئرلرده هاوایی  پییادا كؤرپوسو قورماق فیكریمه گلدی آما اؤز-اؤزومه دئدیم؛آی اوغلان بیزیم اؤلكه ده اورك خسته لیگی چوخ آداملاردا اولدوغونا گؤره و بیزیم كوتله(مردم)نین اوجا یئردن قورخدوقلاری اوچون بو ایشدن واز كئچملییك!!

آنجاق من بو گون چئشیتلی جادده و خییاوان چالا-چوخورلارین(باغیشلایین بونلار بیزیم یوللارین گؤزللیك لریدیرلر) كئچدیم.بونلارین چوخونوندا تابلوسو یوخویدور. بلدییه و یول ایدارسینیده قینامایاق. اونلاردا هزینه لرین آزالتماق اوچون بعضی یئرلرده یا تابلو قویماییبلار یادا كوتله دن اوتاندیقلارینا گؤره تابلولاری آغجلارین آلتیندا گیزلدیبلر!

من او گون تووآلاندان آتیلمادا ماشینلارین ایچینده بیرینجی اولدوم و یئنه بیر بؤیوك اؤدول(جایزه) قازاندیم،اودا میكانیك به یه 70 مین تومن ماشینین قاباقلیغینی تعمیر ائتدگیگی تعمیر خرجینی وئرمكییدیر!

ائلمان 88/11/25  گئجه00/14

نوشته شده در تاریخ دوشنبه 26 بهمن 1388    | توسط: ائلمان ارسوی    |    | نظرات()